" E odre del Sil "
Te ricòrditu de chei ani, de chei ani sensa fià
Te corévi de qua, te corévi deà, d'inverno come d'istà
e te assavi, so e ròe o so e canèe, sbrìnsoe de majéte
e sbrèghi so a to pèe
E pò noàr da sponda a sponda sensa paura de l'acqua fonda
O de nòte co fiòssina e carbùro a ciapàr rane a colpo sicuro
E te ricorditu de e odre, cossì me nona le ciamàva
ogni ano sempre mànco se ne contàva
Ma a fine, un bruto dì, e se sparìe. Né pi viste né pi sentìe
Cossì, chissà parché, chissà par come
gavemo perso chée creature sensa nome
Come sti ricordi, che ogni ano i se sbiadisse
come a luce che so l'acqua i s'intorbidisse
Bisogna far chelcòssa, bisogna dàrse da far
Juta i to ricordi... còri a fotografàr!